Rijkswet actual poni riba mesa door di Hulanda ta inaceptabel “e ta practica di sclavitud moderno” muestra di no ta respeta otro realmente
E situacion delicado cu Aruba ta den dje ta los di loke ta e posicion cu gobierno ta tuma,e ta e posicion cu Parlamento di Aruba mester asumi y caminda e rol di e gobierno di Aruba cu ta bay sinta proximamente mester bay negosha.
Banda cu ta warda pa e gobierno caba di formalisa Parlamento di Aruba mester cuminsa funciona y fiha su mes den e direccion pa cu e deadline cu tin pa Pais Aruba cu Hulanda pa cu e Rijkswet riba mesa.
E Rijkswet actual poni riba mesa den negociacion na e momentonan aki no ta aceptabel, e Rijkswet actual ta kita e derechonan constitucional cu nos tin, un Rijkswet cu no ta husto y cu practicamente den su espirito ta haci cu ta imposibel cu Aruba tin un salida for di dje hasta si Aruba ta cumpli cu ne.
Un Rijkswet asina aki pa Aruba ta un abuso di parti di Hulanda , Sinembargo mester para keto un rato pa ta bon cla cualkier Pais cu haya un Rijkswet asina aki ta significa cu 100% di e condicionnan cu a wordo poni e Pais den e caso aki Aruba mester ta mas santo cu Papa di Roma pa por logra kita e Rijkswet y hasta ora logra cumpli y kita e Rijkswet for di riba mesa e ta keda depende di e parlamento di e tres Pais, kiermen di Tweedekamer di Hulanda lo dicidi si of no pa por trek in e ley di Rijkswet aki.
Esaki ta un liña directo contra e autonomia cu Aruba tin. Segun Lider di Fraccion PPA Otmar Oduber esaki ta e realidad y e curason di cualkier gobierno sea ta di Aruba of di cualkier Pais cu a determina no for di awe pero for di añanan 40 cu ta mas of menos 70 pa 80 aña pasa cu generacionnan di tur partidonan cu awe ta representa den e parlamento di Aruba ta esunnan cu a lucha y bringa pa Aruba por tin su autodeterminacion y pa awe e ta dies wordo entrega cu tur e ponencianan irealistico cu Hulanda kier bin cu ne pa Aruba siendo Aruba a y ta cumpliendo cabalmente cu Hulanda.
Tin rapportnan di conseho di Raad van Staten y esaki ta caminda cu mas Pais Aruba por wanta na dje. Den e consehonan ta mustra bon cla e inhusticia cu tin den e ley di Rijkswet cu Hulanda a propone unda cu ta imposibilita hasta Pais Aruba pa cierto momento pa haci inversionnan pa por diversifica economia di Pais Aruba. Un di e puntonan principal cu ta keda treci padilanti den e rapport di Raad van Staten ta e echo cu Hulanda ta imposibilita e oportunidad of e deseonan cu nos por tin como Pais Aruba pa inverti pa bay desaroya y diversifica economia di Pais Aruba, banda di e autodeterminacion y autonomia cu ta wordo kita completo for di man di Pais Aruba.
Fraccion di PPA ta kere cu awo ta e momento pa Aruba demostra e madurez politico pa sinta hunto 4 fraccion den parlamento unda cu no ta un secreto cu tres di nan a hiba e lucha pa Aruba ta unda e ta awe unda cu nos tin nos propio gobierno , nos propio moneda, propio Banco Central y cu nunca tabata e intencion cu Hulanda ta mete , pero yuda otro manera cu e statuto ta bisa pa asina sali di e problemanan cu ta presenta, pero nunca no por ta asina cu ta kita e parti di autodeterminacion di Pais Aruba.
Fraccion di PPA ta di opinion na momento cu Hulanda ta dies pensa di cuminsa pa kita e autodeterminacion di Pais Aruba practicamente Hulanda ta come henter e sistema autonomo di Pais Aruba. Pesey mes ta propone pa crea un frente nacional na Aruba caminda cu e 4 partidonan politico di Aruba papia cu otro y haya otro riba diferente puntonan cu e unico meta pa laga Hulanda compronde cu Pais Aruba no ta acepta y no ta di acuerdo di e manera cu ta keda trata y na unda cu via di un Rijkswet kier trapa riba derechonan di Pais Aruba cu ta hancra den statuto y cu Hulanda no ta respeta esaki. Mester crea un comision sosteni door di gremionan comercial y hunto cu e proximo gobierno, sin bringa , sin hunga politica, no keda mustra dede den direccion di otro ken a culpa of ocasiona e problema cu Aruba tin na e momentonan aki, pero tuma madurez y hunto cu un solo frente y direccion pa saca Aruba for di e situacion cu e ta actualmente pa e pueblo di Aruba Sali victorioso for di henter e situacion aki.
Loke mester realisa cu no tin mucho tempo mas debi cu prome cu 1 di mei 2025 e Rijkswet mester keda firma y no por sinta mas y laga tempo pone Aruba lomba pa muraya y cu despues Aruba ta bay lamenta cu e aspecto aki. Fraccion di PPA ta spera cu fraccion nan den parlamento sostene e peticion aki y cu Hunto por haci cosnan grandi pa Pais Aruba.
Banda di esaki ki bal e despensa cu Hulanda a duna di loke ya caba a haci den pasado cu e islanan den Caribe?, e despensa aki cu un PUNT su tras kico e mensahe aki realmente ta significa si den practica Hulanda ta keda practica sclavitud moderno cu e islanan den Caribe?. Esaki ta respet mutuo manera ta vocifera? , pero den practica ta haci otro ?