E cadena ta engrandece su servicio mas luhoso cu introduccion di e Elite Club y experiencianan nobo di gastronomia na Palm Beach
RIU Hotels & Resorts a habri porta di e iconico RIU Palace Aruba despues di un renobacion completo di su facilidadnan. Cu e renobacion aki, e cadena Spaño ta consolida su compromiso cu e isla, unda e ta opera desde aña 2007 y ta eleva e ofertanan di e hotel pa cuadra cu e ambiente exclusivo di Palm Beach, reconoci mundialmente como un di e miho beachnan den Caribe.
The RIU Palace Aruba ta un di e hotelnan mas elegante den e cartera Caribense di RIU y e renobacion aki ta agrega un toke di diseño y sofisticacion. E lobby ta mantene e elegancia clasico di e liña di RIU Palace, enfatisando briyo y introduciendo materialnan y elementonan di moda cu ta yama e huespednan bonbini na un ambiente moderno y contemporaneo.
Tur camber ta completamente renoba, cu enfoke riba tononan cla y color y materialnan natural. Esnan cu e miho bista ta designa pa e Elite Club, e servicio premium cu e cadena ta ofrece na su hotelnan RIU Palace y reserva exclusivamente pa adultonan. Ademas, 31 di e cambernan aki tin un pool priva. E huespednan elite tambe tin acceso na un restaurant exclusivo y un area di tuma solo cu servicio di bar na canto di lama.
RIU ta haciendo un revision profundo di su ofertanan culinario. A revisa y mehora e menu, productonan y preparacionnan, pero tambe e diseño interior, e bonbini y e tempo di servicio ta ofrece un experiencia nobo, completo y ta diferencia den cada un di e restaurantnan tematico.
RIU Palace Aruba awo ta ofrece: Steakhouse; e restaurant principal Don Nicolás, cu un buffet internacional. Krystal, un restaurant specialisa den cushina internacional. E opcion asiatico Sayuri. E establecimento Italiano Milano. Y dos opcion di come informal, Pepe’s Food y Tiki Taco.
E hotel ta conta cu un variedad grandi di bar, incluyendo e bar di lobby di Daiquiri; e café di Cappuccino renoba, cu awo ta conta cu un area di ijscream; Bar di Barry’s Plaza; e pool bar di Palm Beach y e sport bar American Country cu tin airco.
Un otro atraccion grandi pa e invitadonan adulto ta e acceso na e RIU Party, cu ta tuma luga tur
diabierna na e hotel RIU Palace Antillas. Sinembargo, RIU Palace Aruba ta familiar y ta ofrece un programa di entretenimento amplio cu actividad pa tur edad, mas notablemente e club di mucha RIU Land. Ademas, e hardinnan y pool na canto di lama a keda completamente transforma.
Cu e reapertura aki, RIU Hotels & Resorts ta reenforsa su propuesta di balor halto den e segmento di vakantie den Caribe. E renobacion completo di RIU Palace Aruba ta permiti e compania pa modernisa e experiencia di e huespednan na e hotel iconico aki, reafirmando su compromiso cu e calidad mas halto di servicio den un di e destinacionnan mas busca di e region.