Asina cu bo duna naturalesa di Boneiro un chens, mesora diferente sorto di palo ta cuminsa crece y ta bin diversidad.” segun e persona cu a inicia e idea, señor Johan van Blerk di Tera Barra.
E fundacion ta desea pa por keda conserva bio diversidad na Boneiro y pa asina mustra cu esaki ta posibel riba un tereno di cinco hectar. Pa yuda naturalesa, nan a bin cu e idea pa planta palo nan local den un greenhouse cu lo wordo uza pa reforsa na Boneiro.
Asina a planta 500 palo na Klein Bonaire y a reparti 700 palma gratis. Cada siman, 20 boluntario ta bin yuda na Tera Barra. Den pasado miembronan di Rotary Club Bonaire (RCB) a yuda Tera Barra cu armamento di un greenhouse.
cu un proyecto nobo di educacion, Tera Barra ta desea pa mustra con bo por cria y mantene cabrito na Boneiro, sin cu nan ta come e mata berde nan y destrui e balansa den naturalesa. Rotary Club Bonaire ta sostene e proyecto aki awor cu un donacion di $2.200. E iniciado, señor Johan van Blerk, a duna splicacion tocante e trabou di e fundacion y a ricibi e check simbolico cu palabra di gratitud.