Conseho di Minister di Reino, riba recomendacion di Conseho di Minister di Corsou, a propone pa nombra señora Ruthsella Agueda Jansen como Gobernador interino di Corsou. Señora Jansen ta reemplasa e actual Gobernador interino di Corsou, señora Michèle Russel-Capriles, kende su periodo di mandato a termina riba prome di september 2025.
Ruthsella Jansen (66) a nace na Corsou y tabata te na momento cu el a bai cu pensioen na februari 2024, director adhunto di Maduro & Curiëls Bank na Corsou. Prome cu esey el a ocupa funcionan ehecutivo na diferente departamento di gobierno di Corsou.
Señora Jansen a ocupa diferente funcion publico. Asina por ehempel el a fungi como consul general honorario di Canada pa Aruba, Corsou y Boneiro y e tabata miembro di e comision di conseho tocante keho di Corte Comun di Hustisia di Aruba, Corsou, Sint Maarten y Boneiro, Sint Eustatius y Saba.
Ta nombra gobernador interino pa medio di Decreto Real pa un periodo di seis aña.
Press release: Ministerie van Binnenlandse Zaken en Koninkrijksrelaties