Local

Ruthy”Lady Ruth” Vrieswijk-Bergen: Sabiduria den nos Alegria

Sabiduria Den Nos Alegria 1

Nos no a lubida riba nan. Ta djies cu nos curason sa bula un tiki mas halto cu otro biahanan, nos curason ta baila su mesun baile . Na prome lugar un bon dia yen di sabiduria den nos alegria, y si, algo di arte atrobe. E biaha aki nos a keda impresiona cu e bunita arte di e artista David Janse, kende ta traha na Horacio Oduber Hospital, y den su tempo liber ta gusta expresa su mes den e bunita arte di naturaleza cu e ta pinta y pone su lijshienan di driftwood, esta, palonan hanja riba beach canti laman na nos costanan.

Por yama David Janse na 6992325 pa mas informacion di su cuadranan unico y impactante. Nos no tawatatin suerte di tope’le, pero, su cuadranan ta una beyeza ! Mi no ta corda cu si e ta pinta y verf  ariba e pida palonan un poco mas hancho y grandi tambe plus pone lijshie di driftwood, pida pida palonan cu ta drief bin na canto di nos beachnan cu tin hopi baranca na costa pa noord. David Janse su obranan artistico ta destaca den varios di e “gangnan” of “pasiyonan”cu bo tin cu cana den na Hospital, e.o. na unda ta bay pa hasi therapie y test pa wak si bo ta drumi bon. Oh ki bunita vitamina pa e wowo alma y curason ! Nos ta menciona awe tambe algun artista mas, pero cu a participa den e di tres parti di e expo “Primary colors” cu e color corra e biaha aki. Tambe una beyeza pa wak den Biblioteca Nacional. 

Cuadranan y of obranan  colorido cu hopi cora den nan di e.o. Reinier van Sisseren, Peter van den Heuvel, Bruce Harms, Gina di BNA   y nos bunita amiga Ann Angela. Un cu a destaca hopi mes tambe, ta, e cuadranan spray paint di e artista cabayero  Paul Wong. Lady Ruth ta spera di tin tur e nombernan correcto, pasobra ta artistanan nobo p’e, cu excepcion di Ann Angela. Nos no a bay e prome dosnan di e colornan geel y blauw , pero ta hopi leuk pa e thema color cora, e color di amor, e color di energia y e color tambe di peligro. Tawata reina un ambiente dushi y hopi gezellig mes e atardi ey na BNA den G. Madurostraat. E obra di Bruce Harms cu a invita esnan entre e publico pa pone nan granito di palabra den su obra cu ta un obra cu ta pone tur hende pensa. Un obra cu ariba su mes ta un cu ta hasi dolor, ora bo wak e figuranan riba e cora na muraya. Nos a wak e manera un protesta y un spiertamento pa esnan cu a of sa abusa di nos muchanan sexualmente y viola nan laga nan traumatisa. Un tema of topico un crenchi foi sla compara cu tur e otro obranan, pero, ta esey ta hasi e artista  mas artista den su obra unico y abstracto. Danki Dios tawatatin e bunita cara pinta pa Ann Angela y e Papegaainan masha masha bunita mes cu spray paint, obranan fantastico di Paul Wong. Y otronan , creacionnan bunita abstracto di hopi color cora, cu tambe ta laga cada curason y wowo interpreta locual e ta sinti y  kier wak den e obra. Un atardi colorido corona cu e binjanan y snacknan di mas dushi traha pa e simpatico y bunita Sra. Lady  Thelma Ahlip Boekhoudt, serca ken Lady Ruth a yega di tuma lesnan den “Gourmet cooking” hopi anja pasa. ( Nos a sinja cushina lobster thermidor y creme brulee y hopi mas.).   

Por bin admira e exposicion aki, den e sala di exposicion na Biblioteca Nacional pa solamente algun dia mas . Nos pabien di curason na cada un artista participante den e grandioso expo aki “Primary Colors Expo Red”. Pabien tambe na David Janse di HOH cu su tremendo obranan a la natural total ! Ki bunita ta, ora nos corantnan local ta publica cosnan asina bunita y positivo tambe, pa laga pueblo cu no por bay tur caminda mas pa motibo di edad un crenchi halto, admira wak y sinti e bunita inspiracionnan rond di nan. Danki shonnan pa lesa nos relato tambe cu hopi amor y atencion di curason. “Stay safe…..love you too !” Bo tambe a hanja smak di crea algo di arte bunita ? Di bo mes, pa bo mes ? Tuma contacto cu SkillsAweAruba, e artista multifacetico Laureen Eman na cell : 593 3044. E no ta dificil, y den un super dushi ambiente inspirativo !!!

Skirbi Pa Ruthylady Ruth Vrieswijk BergenSabiduria Den Nos Alegria ....3Sabiduria Den Nos Alegria ...........Sabiduria Den Nos Alegria ...

Related posts

Aveo shinishi scur a slip y perde control

EA News Author

Pronostico di tempo diabierna 02 di juni 2023

EA News Author

Stichting Parkietenbos: Stop deramento di desperdicio na ser’i teishi

EA News Author

Leave a Comment

Whatsapp Message