Partido MEP Ultimo dianan a tuma nota cu “profesor” Ryçond do Nascimento (AVP) continua cu su acto di filosofia contra Prome Minister Evelyn Wever-Croes.
Tur esaki a cuminsa despues cu Ryçond a ataca Premier Wever-Croes den Parlamento y atacha integridad di Prome Minister. Ryçond tabata hopi baho y hopi bruha den su atakenan.
Den su reaccion, Premier Evelyn Wever-Croes a trece dilanti den Parlamento cu e nunca a wordo kita di trabou y unda cu el a traha, el a laga un legado impresionante atras. Premier Wever-Croes a puntra si Ryçond por bisa mesun cos?
Banda di cu e no ta contesta e simpel pregunta aki di Prome Minister, Ryçond ta presta su mes pa defende un partido di corupcion y ta defende e sospechoso number 29 Benny Sevinger, riba nan lista.
Obvio ta cu mucho autoridad moral pa cuestiona integridad di otronan, e no por tin.
Ta momento pa Ryçond ta honesto y duna cuenta na pueblo: bo a wordo kita di trabou, si of no? Y dicon?
Ryçond do nascimento bisa pueblo : bo a wordo kita di trabou y dicon.
Comunicado di MEP