SocialFeaturedLocal

SABIDURIA DEN NOS ALEGRIA : Skirbi pa Ruthy”Lady Ruth” Vrieswijk-Bergen

Ruty Vrieswijk 1

Ricibi mi saludos y deseonan pa un bon y felis siman cu sabiduria den nos alegria ! Nos ta den un tempo interesante, cu dilanti nos eleccionnan politico nobo aki un paar di siman. Dia 25 di Juni, Dios mediante, pueblo di Aruba lo bay urnanan electoral pa deposita nan voto di confianza riba e partido y persona cu mas ta wordo aprecia, pa cu nan capacidadnan pa goberna nos pais Aruba. Tur cu bon intencion, sinja di otro, wak ken ta keda honesto y traha pa Aruba.

Lady Ruth, como e Poeta Nacional Arubano semper transparente den su poemanan, su expresionnan, su opinionnan tambe lo bay vota sigur. Lady Ruth a keda di bay firma pa e partido RAIZ, pero a termina ta firma pa HTC, ja cu RAIZ ya a logra den termino corto tur su firmanan necesario pa bay eleccion. Hopi ta esnan cu a hasi bofon y cosnan pret di e partido HTC, pero nos como ex-lider scout, a bay pa demonstra cu por apoya nos hobennan tambe, pa nan pasa den nan mesun lesnan y experiencia riba e tereno politico, algun di nan cu ta purba di gatia, cana y core den esaki, pasobra nan curazon tambe ta dolor y cansa di cosnan cu por mihor politicamente riba nos isla. Y ta pesey tambe, un bon amiga, un hende muher dinamico y inspira, cu su mision cu vision , a subi lista berde di AVP, pasobra, e por logra hopi den su calidad como professional riba terreno social-cultural entre otro, un bunita dama cu a yuda hopi hende cu su charlanan y cursonan entre otro pa ta un mihor hende, cu mas paz, salud, trankilidad, balans  y alegria. Nos a keda masha impresiona cu su lanzamento como candidato nr. 27 riba e lista berde. E ta un hende muhe balente cla pa traha na bienestar di Aruba. Un muhe fuerte y bunita “inside out”.  Nos ta referi akinan na e simpatico Abigael Arends, yui muhe di Sr. Rory Arends y Lucy Arends den felis memoria, kendenan tempo di nan tempo pilarnan  fuerte den e ramo di turismo. Abigael , fruta di nan amor riba Aruba bendiciona, cu a sigui tambe den e pasonan y camindanan di su bunita mama cu hopi inspiracion y sabiduria. E lista berde cu tin como candidato fuerte tambe e dinamico caballero Juan Manuel Kelly, pues dos bon persona cu sa con pa trata y anda cu hende hoben, hoben adulto y grandi . Ta nos hendenan cu a move meymey di pueblo den hopi actividad y circumstancianan cu a pidi ayudo. Ta nos hendenan cu sa kiko ta biba den pueblo. Subi nan facebook page y hanja sa mas di e dos candidatonan aki, cu bo preguntanan y comentario. Ta asina otro lidernan a forma, subi lista na edad hoben, manera un Xiomara Maduro cu awendia ta e mihor di e lista geel. Ta mustra cu lo bay tin un coalicion atrobe y e biaha aki cu algun di e partidonan nobo. Ora bo tin bon consehero bandi bo y bo tras, bo tambe ta  logra. Ban duna Abigael Arends y Juan Manuel Kelly e oportunidad di por traha pa nan pais cu passion y sabiduria. Hunto cu varios di e lidernan experencia caba den politica por forma e balans cu nos lidernan hoben adulto cu nan bon estudio cu curason na e bon lugar. Ban mantene calmo dia 25 di Juni y ban respeta e resultado, e deseo y mandato escogi pa pueblo. Aruba ta abo, Aruba ta ami, Aruba ta nos. Ban sigui celebra democracia riba nos pida baranca, cu un pueblo uni den paz y harmonia. Ban sigui cuida y ta safe ! Ban sigui pordona y stima otro cu e amor di Dios.

Nada ta pa semper akibao. Ban sigui accepta e regalo bida, dia pa dia. “One day at a time”.

Ban permiti esnan escogi pa demonstra cu nan tambe por ta un regalo bunita bek pa nan Creador.

Cu amor y passion pa Aruba completo, y no pa “friends and family”so, kendenan tambe ta parti di pueblo, pero pa hasi esaki den bon forma na bienestar di tur otro famia y amigonan den comunidad total y cu balans. “Fair and square”. Ley pa un, ley pa tur. Danki pa lesa nos relato y pasa un bon dia, cu sabiduria den nos alegria ! Danki Prensa pa publicacion di e relato aki tambe.

Ban demonstra cu nos ta hendenan diciplina cu bon manera y bon comportacion ! Love you too !

Related posts

Anuncio di Morto: Rosemary A. Helder-Koolman

EA News Author

Colecta, Conoce y conserva documentonan historico ta importante pa nos siguiente generacion

EA News Author

Minister Endy Croes ta felicita Fundacion Chico Harms y Fundacion pro – cultura cu un tremendo parada cultural

EA News Author

Leave a Comment

Whatsapp Message