Local

Pastor Marcel Balootje: Obediencia na dios ta mas importante cu tur cos

Pastor

Tur cos  cu nos ta haci nos mester corda, riba obediencia na Dios, nos no por obedece hende y pone Dios un banda, pasobra despues e berguensa lo ta pa nos mes.

Obediencia ta hiba na exelencia, y desobediencia ta hiba na destruccion.

Abraham a obedece Dios y tur cos a bay bon cune.

Noe a obedece Dios y e cu su famia a wordo salba den e Arca.

Pablo ( Saulo di Tarso a obedece Dios) y a comberti for di un malbado pa un Apostol

Daniel a obedece Dios ( Daniel capitulo 1:8) y a ricibi sabiduria y un Spirito extraordinario( Daniel 6:3).

Moises a obedece Dios (Exodus 3;3+4+5+6) y asina por a saca e pueblo for di Egypto.

Awendia hende ta tene cuenta mas cu hende of nan posicion, cu nan tin Dios na cuenta, hende ta acepta maldad, sabiendo cu nan lo no tin exito, y no ta preocupa cu Dios, ta mira tur cos.

Cristo Hesus a yama nos pa nos ta obediente ( Juan capitulo 15 vers 1-17)

Obediencia ta alabansa na Dios. 

Dios ta premia obediencia.

Obediencia na Dios ta prueba di amor .

Obediencia ta demostra Fe.

Pa medio di obediencia nos ta experiencia bendicion y un bida santo.

Desobediencia ta hiba na pica y morto.

Tin hopi trampa di diabel awendia, cual hende ta cay aden y nan ta bay contra boluntad di Dios y asocia cu maldad, pasobra ora un mayor ta bay contra boluntad di Dios e ta hiba henter su cas den pica. Y bo ta scucha e excuus: Si mi no haci locual nan ta bisami, nos no ta bay keda cla, pero ta tempo pa nos cuminsa wak den cual direccion como mayor bo ta hiba bo hogar, sea ta Dios ta dirigi bo hogar  of ta forsanan di scuridad. 

Un di e ehempelnan  di obedencia mas grando na mundo ta ora e Angel a aparece na Maria y bise tur locual ta bay sosode cune ( Lucas 1 vers 26 te cu 38) y Maria a contesta ata e sirbido di Señor: Laga sosode cumi segun bo palabranan. Asina nos Salbador a bini na mundo,

Dios ta usa esun cu E kier, pa haci cosnan perfecto.

Maria a carga su propio Salbador, y Hose tabata tata di criansa di su propio Salbador den obediencia na Dios.

Aki nos tur por mira con lew obediencia por hiba nos , pasobra Dios ta premia obediencia.

Na e fiesta di casamentu na Canaan di Galilea ( Juan 2 vers 5) Maria a bisa e sirbidonan: Kico cu E bisa boso hacie.Nos no por lubida cu Hesus a muri na cruz pa nos tur den odediencia na Su Tata cu ta den cielo.

PERO TIN COSNAN CU DIOS TA ODIA  Y NOS MESTER APARTA DI NAN.

Hipocrecia; ( Mateo 6:2 y Mateo 23;23.

Adulterio y Divorcio:  ( Mateo 5 vers 28-32 ) Malaquias capitulo 2 vers 16) Un persona adultero ta esun cu ta viola e pacto matrimonial y asina cay den infieldad.

Comportacion inmoral:  ( 1 Corintionan 6 vers 18-20 ) Huy for di inmoralidad.Esaki ta conta pa tur relacion  sexual cu no ta di acuerdo cu e palabra di Dios, y tambe ta bay contra Dios su diseño pa ser humano.

Testigo Falso:  ( Proverbionan 6 vers 19)

Idolatria:  ( 1Timoteo 6;10 ) Amor pa placa ta rais di tur sorto di maldad, hende no ta importa kico nan mester haci, basta nan ricibi placa.

Related posts

Corte di Prome Instancia cu algun caso mayan 5 mei 2022

EA News Author

Minister Endy Croes ta felicita tur studiante di Xavier University School of Medicine cu a gradua como dokter

EA News Author

Minister Xiomara Maduro presente na celebracion di 20 aña di existencia di e grupo di Carnaval Kingdoms Under The Sun

EA News Author

Leave a Comment

Whatsapp Message