BonaireInternacional

Selibon ta pasa ouditoria di iso 9001 i iso 14001 ku éksito

Selibon Boneiro

Den luna di yüli 2021, e kompania SGS, representá pa sr. Jan Pepers a ouditá Selibon N.V. riba  e maneho di kalidat i medioambiente ku e kompania ta hiba. Selibon a pasa e ouditoria aki ku éksito i ta gradisí tur su empleadonan i tambe e tim di maneho relashoná ku e logro aki.

For di aña 2015 Selibon NV ta hiba su maneho segun normanan di ISO 9001 (ku ta representá e normanan pa kalidat di servisio) i e normanan di ISO 14001 (ku ta representá e normanan di medio ambiente). E proseso di ISO ta unu kaminda ta stipulá norma di prestashon, ta plania i ehekutá trabounan i ta midi prestashon. Tur esaki pa sòru ku ta realisá tur aktividat i trabounan na un nivel di kalidat ku ta kumpli ku loke e klientenan ta spera i semper teniendo kuenta pa no hasi daño na nos medioambiente.

E sertifikashon di ISO ta un parti integral di maneho di Selibon. ISO ta un instrumento pa evaluá  maneho i asina garantisá ku ta realisá tur aktividat i trabou na un nivel di kalidat haltu. Pues, Selibon ta kontentu ku e logro aki. Selibon lo sigui traha pa mantené un kalidat di servisio na nivel i pa kumpli ku e normanan internashonal riba tereno di maneho i medioambiente

Related posts

No por compronde con a traha un plan si gobierno no sa kico ta e inpacto socio ekonomico

EA News Author

Tres mucha a gana kompetensia di pintamentu pa Dia di Tata

EA News Author

Dr. Marian Luinstra-Passchier ta hopi preokupá ku e último sifranan di COVID-19 na Boneiru

EA News Author

Leave a Comment

Whatsapp Message