Aruba tin dos sero popular un di nan ta Hooiberg y e otro ta Jamanota. Jamanota ta 188 meter (617ft) cu ta e punto di mas halto di Aruba. Sero di Jamanota ta den area di Parke Arikok. Sinembargo tanto riba e sero di Hooiberg y di Jamanota tin un luznan cora cu ta cende paga tur anochi. E luz aki ta specialmente pa e avion nan cu ta bula den oranan di anochi y cu nan mester ta alerto cu eynan tin un sero halto y cu mester tene cuenta cu e parti aki.
Kende ta e autoridadnan conserni cu ta controla si e luz nan aki ta sendi y cu nan ta traha no ta conoci, pero tampoco e no ta sosode. Sinembargo hopi ta e kehonan cu a drenta na nos mesa di redaccion cu e luz riba Jamanota no ta traha mas pa basta luna caba, esaki a trece un preocupacion pa personanan den besindario y kier alerta cu e luz riba e punto di Jamanota ta nesesario mirando cu e por causa un descracia pa avionetanan cu ta bula y pasa Ariba Aruba pa nan por yega aeropuerto di Aruba. Ta spera cu departamentonan conserni cu mester controla y percura pa e luz nan aki ta activo por atende cu e preocupacion aki di nos ciudadanonan cu ta biba den besindario.