Eleccion ta tras di lomba, pero realmente nos no mester lubida cu tur politico mester cumpli cu ley. Politiconan awor tin un deber di mustra nan entradanan cu nan ta ricibi como sponsor y gastonan cu nan ta haci durante di campaña. Segun Parlamentario Edgar Vrolijk e punto di e ley no ta pa stroba ningun partido politico, politiconan pa haya sponser. Sinembargo e punto di e ley ta pa tur politico y partidonan politico registra y laga sa for di unda a haya placa pa asina duna transparencia na e pueblo di Aruba pa asina e pueblo tambe por mira for di unda e politico ta haya su placa. Tambe e ley ta pone cu sumanan di placa grandi no por wordo duna mas na e politico. E comision banda di electorale Raad cu ta controla tin e tarea specifico di controla e sumanan di placa cu politiconan y partidonan politico ta ricibi y verifica si tur cos ta bon of si no tin cosnan cu no ta cuadra pa actua mesora.
Si partido politico y politiconan no cumpli cu ley di financiamento politico por tin sancion
