Na 2019 Todd Hilliburton a bishita Aruba cu su famia y a establece contacto aki como un aficionado di futbol. Todd Hallliburton ta coach di e ekipo femenino di Johnson University di Tennessee (USA) y e ekipo aki lo ta na Aruba pa un siman di recreacion y training. Durante nan estadia na Aruba e ekipo di Johnson University lo ofrece un soccer camp pa mucha homber y mucha muher di 8 pa 12 aña. E soccer camp ta tuma luga dialuna, diamars y diaranson, 14, 15 y 16 di augustus riba tereno di S.V. Britannia na Piedra Plat di 9’or di mainta pa 12’or di merdia. E soccer aki camp ta completamente gratis. Mayornan cu ta interesa por inscribi nan yiu via email adres ecsnmedia@gmail.com pa e soccer camp aki.
