Den loke solamente por wordo yama, un show di Madre Naturaleza, nos por a mira con un tormenta tropical a crece y fortalece na un manera cu ta sobrenatural. E horcan Erin a crece na un manera fenomenal birando un monster panort di Islanan Ariba den area di Caribe.
Departamentonan di meteo di tur idioma a papia awe di e crecemento aki. Categoria 5 , ta esun di mas halto den e escala cu ta referi na e peligrosidad y daño cu un sistema meteorologico asina por haci na e localidad cu e yega na tera.
E categoria tambe ta referi na e bientonan sosteni den e centro di e sistema, den e caso di Erin nos por mira cu e crecemento ta un ehempel di con cos por cambia den un rato di un tormenta tropical cu yobida, bira peligroso y devastador segun e horcan ta intensifica.
Den reporte di 11:00 pm, NHC ta informa cu horcan Erin ta ubica na coordinadonan 20.3°N 65.1°W , cu ariba su mes ta 200 miya noord-west di St Maarten, cu bientonan sosteni di 140 miya pa ora y rafaganan di riba 160 miya pa ora, e presion atmosferico ta di 937 mb. Horcan Erin a crece y fortalece debi na condicionnan atmosferico cu a stimula su crecemento, entre otro: e temperatura cayente di e oceano Atlantico, cu ta alimenta e horcan, e falta di tera pa kibra e intensidad y circulacion di e bientonan.
Horcan Erin ta moviendo direccion Noord Noord-West cu un velocidad di 14 miya nautico pa ora. E horcan a yega categoria 5, cu un sistema di hopi awasero acompaña cu strena cu lamper, un hecho cu hasta a bira viral pa e video cu tur e thunder and lighting riba medionan y social media. St Maarten a haya hopi awasero y tur cos a sigui funciona cu normalidad despues di e pasada di Horcan Erin.
