Administracion di Belasting di Sint Maarten tin e plaser di anuncia cu e plachinan di number den e categorianan MF y V, cu anteriormente no tabata disponibel, awor ta cla pa wordo recogi. Ta anima e automobilistanan cu ya a paga y ta sperando riba nan plachi, pa bishita e oficina di Receiver (Ontvanger) na Pond Island pa recogi nan.
Automobilistanan cu a ricibi un plachi “M” temporal, ta wordo pidi pa debolbe esaki pa asina por ricibi nan plachi di number asina asigna, sea ta V of R.
Pa por recogi e plachi di number, e automobilista mester presenta e siguiente documentonan na e bentana di servicio: comprobante di pago, seguro valido y un carchi di keuring valido.
Pago por wordo haci online, via transferencia bancario, of personalmente na oficina di Receiver. Pagonan online ta disponibel via e portal: https://services.sintmaartengov.org/ of via transferencia pa e siguiente cuentanan: WIB USD 324800-05 / XCG 324800-03; RBC USD 8200000403930461 / XCG 8200000005425048.
Pa pagonan haci via transferencia bancario, e automobilista mester inclui su nomber y e number di plachi di e vehiculo den e descripcion di pago. Por recogi e recibo, sticker of plachi di number na oficina di Receiver dentro di tres pa cinco dia di trabao, basta cu presenta tur documento rekeri.
Administracion di Belasting ta urgi tur automobilista cu ainda no a paga of recogi nan sticker di vehiculo pa aña 2026, pa haci esaki mas pronto posibel.