Stingray Swimming Team ta masha orguyoso pa anuncia un otro logro grandi di nos atleta elite
Elisabeth Timmer, cu a cuminsa aña 2026 cu un presentacion fuerte riba escenario
internacional. Elizabeth a obtene un tremendo resultado, djis na comienso di temporada 2026
na durante e competencia: Schwimm Meeting Nettebad 2026 na Osnabrück, Alemania.
Aunke esaki tabata su prome competencia di aña, sin taper completo ni preparacion reciente
den piscina olimpico (50m), Elisabeth a mustra un nivel halto di consistencia y determinacion. El
a logra obtene 3 medaya y 1 Record Nacional nobo pa Aruba.
– Medaya di brons den 50 meter backstroke cu un tempo di 30.12 y esaki ta un Record
Nacional nobo. Elisabeth a kibra su propio record nacional anterior (30.30),
estableciendo asina un nobo record pa Aruba den e estilo aki.
– Medaya di plata den 50 meter freestyle cu un tempo di 26.30
– Medaya di plata den 100 meter freestyle cu un tempo di 57.19
Aunke e tempo aki di 100 meter freestyle no ta un record nacional ainda, e tempo di Elizabeth
aki ta confirma su nivel competitivo fuerte y su preparacion firme pa e temporada cu ta bin.
E resultado nan aki ta mustra claramente cu Elisabeth ta mantene su forma fisico y mental, sin
preparacion specifico ainda di rendimento. Su profesionalismo, disciplina y enfoke ta sigui eleva
e nivel di natacion Arubano.
Henter e famia grandi di Stingray Swimming Team ta sumamente orguyoso di su atleta y di
manera cu e ta representa Aruba cu excelencia, perseverancia y ambicion deportivo. Esaki ta
djis e comienso di temporada 2026 y ainda tin mas competencia, mas meta, mas historia pa
crea.
