Fiesta Rotaria tabata completamente yen, Danilo de freitas cu tabata encarga cu e tent di supermarket ta duna di conoce cu prome cu ora tur cos a bay, esaki sigur tabata un exito pa e organisadonan di Fiesta Rotaria. Cada ganashi cu tin awe na fiesta Rotaria , mañan lo yuda esunnan cu ta den necesidad.
Informacionnan cu tin ta cu for di oranan di madruga tabatin personanan cu tabata para den rij pa drenta na momento cu e porta habri y e prome caminda cu tabata completamente yen tabata den e supermarket unda cu tabatin diferente productonan na prijs hopi abao y tur producto a bay mane pan cayente.
Segun Danilo de freitas tur producto a keda bendi pa 3:30 di atardi. Sinembargo loke ta un realidad cu tin hopi pobresa scondi na Aruba y hopi hende ta bin specialmente pa bay cu e cuminda juice y lechi cu ta bay manera pan cayente. Sinembargo tambe tin otro departamentonan manera esunnan di hardware y of cosnan di hunga, buki y otro productonan , pero esey nan no ta bay asina lihe manera cu e supermarket ya bay.
Aunke cu tur e tent nan tin e prijsnan na baca flaco, pero loke cu ta caba prome ta e productonan den supermarket. Danilo de freitas ta gradici tur esunnan cu a haci posibel cu na Fiesta Rotaria por a ricibi articulo nan for di nan pa por a trece Fiesta Rotaria y cu por a bende nan den un prijs hopi abao pa e pueblo di Aruba y asina por recauda fondo pa sigui yuda esunnan mas den necesidad.
