Despues di tres aña di duna informashon i tene konsulta, dentro di poko Entidat Públiko Boneiru ta kuminsá ku mantenshon di lei na garashinan kaminda repetidamente a konstatá violashon di lei. Den e periodo akí vários biaha a informá e empresarionan enbolbí tokante e reglanan ku ta vigente.
Durante un seshon di informashon dia 17 di mart 2025 i un enkuentro dia 4 di sèptèmber 2025, na un manera bon kla a informá e garashinan akí tokante e mehorashonnan nesesario i e konsekuensianan si no kumpli ku esakinan.
E mantenshon di lei ta kuminsá na e garashinan kaminda tin mas tantu violashon di lei. Finalmente ta kontrolá tur garashi i, kaminda ta nesesario, ta atendé ku nan. E meta ta pa traha huntu ku e empresarionan pa logra un sektor seif, limpi i resiliente pa futuro.
Press release: Gobièrnu di Boneiru