BonaireFeaturedInternacional

Tourism Corporation Bonaire ta lansa kampaña titulá ‘Eat Like a Local’ komo parti di su aktividatnan di Culinary Capital

Tourism Corporation Bonaire Ta Lansa Kampana Titula Eat Like A Local Komo Parti Di Su Aktividatnan Di Culinary Capital ..3

Tourism Corporation Bonaire (TCB) a lansa e kampaña ‘Eat Like a Local’ – Kome manera un boneriano. E kampaña akí ta konsistí di un seri di vários video i imágen ku ta tira lus riba un variedat di nos platonan outéntiko, e manera ku nos ta prepará esakinan i kon huntu nos ta gosa di nan.

E meta ta pa sigui enbolbí nos komunidat lokal den e esfuersonan pa mehorá e esena kulinario di Boneiru. Banda di esei nos ke pone atenshon riba e diferente tiponan di kuminda ku ta optenibel na nos isla i informá nos wéspetnan tokante nos platonan i restorantnan outéntiko. Esaki lo hisa konosementu i eksperensia di tantu nos bonerianonan komo nos bishitantenan na un nivel mas haltu. 

Na Boneiru pa hopi tempu kaba nos ta kere ku kompartí un kuminda tradishonal ta e mihó manera pa trese famianan huntu i sera amistat nobo. Ta den nos naturalesa – it’s in our nature – pa kompartí nos eksperensianan i komo Kapital Kulinario sertifiká nos ke duna amantenan di bon kuminda e konfiansa pa biaha pa Boneiru pa motibu di e gastronomia úniko. E sertifikashon akí ta un tremendo empuhe pa Boneiru i tur su profeshonalnan ku ta traha duru i ku durante e último añanan a pone e kultura kulinario diverso di nos isla riba mapa. For di pasapalu i kos di bebe te platonan kompleto i postre, nos ta enkurashá nos bishitantenan pa eksplorá loke Boneiru tin di ofresé na sabor kulinario.

Nos ke inspirá nos komunidat i nos bishitantenan pa kompartí nan eksperensia kulinario na Boneiru ku mundu pa medio di pone esaki riba medionan sosial. Konta mundu tokante nos kumindanan faborito, e sitio ekselente pa kome na nos isla i e mihó momentunan ku nos a krea huntu. No lubidá di menshoná nos @BonaireIsland i hasi uso di e ‘hashtag’-nan #BonaireCulinaryCapital #BonaireIsland #ItsInOurNature pa bo keda menshoná riba nos páginanan.

Tourism Corporation Bonaire Ta Lansa Kampana Titula Eat Like A Local Komo Parti Di Su Aktividatnan Di Culinary Capital ..4Tourism Corporation Bonaire Ta Lansa Kampana Titula Eat Like A Local Komo Parti Di Su Aktividatnan Di Culinary Capital ..Tourism Corporation Bonaire Ta Lansa Kampana Titula Eat Like A Local Komo Parti Di Su Aktividatnan Di Culinary Capital

Related posts

Awe tin cambio den prijs di productonan petrolero

EA News Author

Boneiru i Kòrsou huntu ta organisá seshon na Konferensia tokante Awa di Nashonnan Uní

EA News Author

Homber mayor di edad cu a bay cu mucha menor di edad lo tin problema serio cu husticia

EA News Author

1 comment

Leave a Comment

Whatsapp Message