Diasabra ultimo a tuma luga un protesta organisa pa un grupo di famia y pariente di victimanan cu a perde un ser keri como resultado di accidente di Hit and Run. E protesta tabata enfoca riba e falta di castigo fuerte pa responsabel nan di esaki tipo di delito den ley di trafico.
Entre e famianan presente tabata esnan di Edwin Willims Yiu, pareha cu a fayece despues di un accidente grave di Hit and Run. Segun informacion, e accidente a wordo causa pa un hoben conductor cu a huy di e luga di accidente, mientras cu e tabata manehando na un caminda unda velocidad halto no ta permiti, y bou influencia di alcohol.
E tragedia a lanta hopi preocupacion den comunidad, manera tambe entre famianan afecta, cu ta sinti cu e ley actual no ta impone castigo suficientemente severo pa preveni esaki tipo di comportamiento iresponsabel riba caminda.
Como reaccion, e grupo di famia a inicia un coleccion di firma, resultando den un manifiesto cu ta pidi cambio concreto den ley di trafico. E documentonan y firmanan a wordo presenta na Parlamento di Aruba corespondiente cu meta di logra ahustenan legal pa trata caso di Hit and Run cu mas rigor den parlamento.
E famianan ta spera cu nan accion lo conduci na cambio real, pa asina evita cu otro tragedianan similar sigui ocuri sin consecuencia fuerte pa culpabel nan. Sinembargo un punto cu tambe ta resalta den henter e proceso di accidente aki ta cu na momento cu e yiu muhe y su pareha cu a experencia e accidente aki y casi nan tambe a perde nan bida , na momento cu a bay entrega un keho na Cuerpo policial KPA no a tuma e keho aki, of no kier a tuma e keho aki , esaki ta lanta hopi incertidumbre dicon no a tuma e keho oficial sabiendo cu su bida tabata na peliger.
