Traspaso di Presidensia di CCvV na señora R. Windster

Entrante promé di mei último a traspasá presidensia di Komishon Sentral di
Sindikatonan (CCvV) ofisialmente na señora Rosiël Windster, representante di Nationale
Algemene Politiebond (NAPB). E ta sigui e anterior presidente, señor Juan Lourens di Sindikato
di Trahadornan di Aduana i Fiskalia (STrAF), i lo guia e trabou i e konsultanan den e komishon
durante di e siguiente periodo.
Señor Amado Vilchez, representante di Sindikato di Ambtenarnan di Polis i Kadena Hudisial
(SAP), ta nombrá komo vise-presidente di CCvV. Den e funshon aki, e lo sostené e presidente
den e ehekushon di su trabou i ademas lo kontribuí na fortalesimentu kontinuo dje kolaborashon
den e komishon.
Señora Windster a indiká na su introdukshon ku e ke dediká su mes, spesialmente, na un forma
di trabou efisiente i mas efektivo den CCvV. E ke kreá espasio pa metodonan inovativo i
inisiativanan ku ta konektá mihó ku e nesesidat i speransa di e generashon aktual i futuro dje
aparato públliko en partikular. Segun Sra Windster, ta hopi importante ku e komishon ta proaktivo
riba desaroyonan sosial i stimulá mas partisipashon di amtenarnan hóben.
Ku e nombramentu nobo aki, CCvV ta expresá su konfiansa den kontinuashon konstruktivo di su
trabounan i den un fortalesimentu adishonal di e kolaborashon entre e partnernan sosial enbolbí.
Tambe CCvV expresá su apresio pa e empeño i aporte dje presidente saliente.