Shete hoben cu ta participa na e Trayecto di Formacion Social (SVT) “Un Comienso Nobo” na Kaserne di Marina na Suffisant por a ricibi nan baret. Na comienso di maart, e grupo di hobennan aki a cuminsa cu e prome fase di e entrenamento bou di guia di Forsanan di Defensa Hulandes. Durante un periodo di 15 siman, nan a traha na un forma militar riba habilidadnan di disciplina, resiliente, perseverancia y trabou den tim.
E grupo di hobennan a ricibi nan baret y certificado bon mereci riba diahuebs 11 di juni 2026. Esaki a tuma luga durante un ceremonia cortico den presencia di tur partido envolvi.
Siguiente fase
Seguidamente, e hobennan lo cuminsa cu e di dos fase, esta e programa di siñansa y trabou (LWT – Leerwerktraject), bou di guia di e organisacion di ehecucion Gwen Inspires & Co. Den e fase aki, ta prepara e hobennan mas leu pa un trabou cu ta cuadra cu nan habilidad y talentonan. Cu e dos fasenan aki, Gobierno di Corsou, hunto cu Forsanan di Defensa, ta ofrese perspectiva pa futuro na e hobennan aki.
Establesimento di cooperacion
E proyecto aki ta wordo realisa den cuadro di acuerdonan entre Corsou y Hulanda pa loke ta trata e reformanan den e Pakete di Pais. E reforma aki ta inclui bou di e tema ‘H18’ y ta designa como un ‘Trayecto di Educacion Social’. Ministerio di Husticia, Ministerio di Desaroyo Social, Labor y Bienestar (SOAW), Ministerio di Ensañansa, Ciencia, Cultura y Deporte (OWCS), y Ministerio di Defensa tur ta socio den e proyecto aki.
Augustus proximo ta cuminsa un trayecto SVT nobo. Ainda tin luga pa esnan cu ta interesa. Bo tin entre 18 y 24 aña di edad? E ora ey bo por manda un mensahe pa mas informacion na +5999 5636656 via WhatsApp.
