Glenda Savala di Biblioteca nacional ta enfoca pa haci diferente actividadnan pa mucha na Biblioteca nacional of na actividadnan cu e ta wordo invita pa bay na centronan di bario. Un di e actividadnan lo tuma luga na centro di bario di noord diahuebs awo 3 di April for di 5 or pa 6 or. E actividad yama “ un celebracion den imaginacion” esaki a keda organisa den cuadro di dia internacional di buki.
Glenda Savala a keda invita pa bay conta storia na centro di Bario Noord y ta spera cu tur e muchanan di bario di noord y bisindario yega centro di bario pa asina nan participa na e evento aki. Lo conta storia,canta y pasa un atardi cu e muchanan. Lo canta canticanan di antes y haci weganan di antes pa e muchanan conoce e parti aki. Na final di e actividad ta bay tin cos di come, bebe y popcorn pa e muchanan.
Lesamento di buki ta hopi importante den bida di un mucha y di e manera aki ta motiva e muchanan pa nan lesa mas buki.
