Featured Social

Un bunita nomber cu ta duna honor na e curanderonan cu pa siglonan tabata cura cu nan man, remedi di tera y oracion


Diabierna pasa Minister Maduro tabata tin e placer di ta presente na e apertura di ‘E Curandero’ cu ta e tienda di suplemento natural di Dr. Sandy Roga di Quality Chiropractic Aruba. ‘E Curandero’ ta un bunita nomber cu ta corda nos di e trabou di e curanderonan di Aruba cu pa siglonan tabata yuda cura hende haciendo uzo di nan man, remedi di tera y oracion. Ta un don cu Dios ta brinda e persona pa asina e por yuda alivia dolor y tambe yuda cura e persona di e malestar cu ta strob’e di funciona bon. Ta di admira cu Dr. Roga a scoge e bunita nomber aki di un profesion cu poco poco a bay perdi y pa cual nomber hopi no sa e nificacion. Den su discurso Minister Maduro a trece dilanti cu e ta aprecia Dr. Roga su trabou na bienestar di comunidad y e scogencia di e nomber ta pone e mandatario corda riba su bisawela parti tata, defunto Shi Clemancia kende tabata un curandero di e districto di Santa Cruz. 

Minister Maduro ta felicita Dr. Roga, su famia y full e team di Quality Chiropractic Aruba pa un otro inversion na bienestar di e salubridad di nos Pueblo.

Related posts

Premier Evelyn Wever-Croes: Prome minister evelyn wever-croes hunto cu secretario di estado knops a bishita fundacion contra violencia relacional.

EA News Author

Wardakosta ta asistí turista riba Kristòfel

EA News Author

Historia di hospitaal

EA News Author

Leave a Comment