Dialuna anochi pa mas o menos 11:58pm central di polis ta wordo notifica cu un señora lo a wordo atraca y hinca na altura di Paradise Beach Villas. Ta despacha patruya na e sitio y como tambe ambulance.
Patruya na e sitio ta topa cu e victima y na unda e ta declara cu e tabata train(core) y na un dado momento un homber lo a acerc’e cu un cuchiu y a atrac’e. E la purba bringa cu e atracador y na un dado momento e atracador lo a hinc’e. E sospechoso tabata bisti full na preto y despues e lo a core bay direccion noord
y probalemente a huy den un auto color shinishi.
E atracador a logra bay cu su celular. Ambulance a yega na e sitio y a duna e victima asistencia medico y despues a transporte pa hospital.
Atraco Team a presenta na e sitio como tambe polis technico y na unda a sigui cu e investigacion. Departamento di slachtofferhulp tambe a presenta pa asisti e victima.
Cuerpo Policial ta haci un apelacion pa es cu a wak algo of sa algo pa yama e tiplijn di polis cu ta 11141. Bo ta keda anonimo.