Unit Narcotica di Cuerpo Policial Aruba a confisca un total di 4 kilo di droga tipo “hasj” despues cu diferente embarcacion a wordo intercepta recientemente cu carganan sospechoso.
En conexion cu e caso, autoridadnan a haci dos entrada hudicial na diferente localidad, especificamente na Bubali y Seroe Patrishi. Durante e operacion, tres persona a wordo detene: un homber di inicial F.A.G. (35 aña), un homber di inicial M.J.D.G. (26 aña) y un muher di inicial S.M.J. (23 aña), tur naci na Aruba.
Den e allanamientonan, polis a haci uso di varios departamento, incluyendo Team di Aresto, Unit K-9 y polis uniforma.
Investigacion ta continua y no ta descarta cu por tin mas detencion den e caso. Cuerpo Policial Aruba ta haci un apelacion na comunidad pa esnan cu tin informacion relevante yama tipline 11141. Informacion por wordo duna anonimamente.