E hobenan Arubiano ta destacando den exterior. Cu hopi placer Arubaanse Voetbal Bond a ricibi e grato noticia cu Vanessa Susanna, un hungado di e Seleccion Nacional Damas di Aruba, a firma contract cu e Club ADO Den Haag Damas.
Vanessa ta bai di KAA Gent y ayera den stadion Bingoal ta firma un contract di 1 aña. Na 2015 Susanna a bay di Saestum pa PSV y despues ta sigui pa Anderlecht, London City Lionesses, Hellas Verona y KAA Gent. Vanessa ta spera di por yuda e Seleccion di ADO Den Haag Damas den e temporada nobo. E ta bisa di ta hopi contento di por forma parti di ADO Den Haag Damas. AVB ta desea Vanessa Susanna tur clase di exito cu su reto nobo.
