Dianan 19 i 20 di sèptèmber stichting Curaçao Clean Up a organisá un kampaña di limpiesa na Kòrsou. Wardakosta huntu ku hopi otro kompania i organisashon a partisipá na e inisiativa bunita akí. Durante Dia
Mundial di Limpiesa, empresanan, instansianan di gobièrnu, boluntarionan, i personanan ta uni forsa ku un meta komun, un Kòrsou mas limpi.
Djabièrnè 19 di sèptèmber un grupo grandi di Wardakosta a kontribuí na e kampaña di limpiesa. Armá ku handschoen, palu pa piki shushi, saku di shushi, otro materialnan pa limpia sushi i hopi entusiasmo a subi
kaya pa limpia. Den oranan di mainta, un pida grandi di mondi i kaya grandi a wòrdu limpia i despues a hinká e sushi den sakunan di sushi. Apesar di awaseru pisa e dia ei, e grupo di Wardakosta a logra nan meta.
Wardakosta ta gradisí stichting Curaçao Clean Up pa e inisiativa bunita akí i ta konkluí ku e lema di
Wardakosta: Huntu Nos Ta Fuerte.
