PolicialFeaturedLocal

1 Detencion: Atraco na un supermercado na pos chiquito

1 Detencion Atraco Na Un Supermercado Na Pos Chiquito

Dialuna anochi pa mas o menos 6:39 pm central di polis ta wordo notifica di un atraco cu lo mester a caba di tuma lugar na Kam Man supermarket na Pos Chiquito.

Ta despacha patruya di biaha na e sitio di e sucedido.
Na e sitio polis ta wordo informa cu un homber curpa fors, color bruin cla cu un t-shirt shinishi riba su cabez y bisti full na blauw scur lo ta e sospechoso.

E sospechoso lo a drenta cu un bate di baseball y cuminsa pidi pa placa. Despues e lo a sali bay na pia direcion di e retonde di Pos Chiquito.

Un rato despues central ta haya un yamada cu na altura di Manglo Halto a wak un hende ta core cu lo mester a subi un scooter bay. Polis den vecindario a cuminsa cu un buskeda y a topa cu e scooter na unda a cuminsa un persecucion.

Den vecindario di Sabana Basora e chauffeur lo a perde control y a cay cu e scooter. Ambulance a presenta na e sitio pa atende e chauffeur.

No por confirma si e chauffeur lo ta relaciona cu e caso di atraco.

Despues un otro yamada ta drenta cu ta informa cu lo a wak un persona masculino scondi den mondi den cercania. Patruya a presenta y a topa cu un tas den mondi. Nan a sigi cu e busceda y a bin topa cu un homber scondi y cu ta cuadra cu e descripcion di e sospechoso.

E homber a wordo deteni pa mas investigacion.

Atraco Team como tambe polis technico a presenta na e sitio di incidente. E sospechoso lo mester a bay cu un suma di mas o menos 500 florin.

Cuerpo Policial ta pidi esnan cu sa algo of a wak algo yama e tiplijn di polis 11141. Bo lo keda anonimo.

Related posts

Bo oido ta importante haci bo chekeo

EA News Author

Postulashon di kandidato pa elekshon di kolegio elektoral i konseho insular

EA News Author

Atraco Team a detene un homber sospecha di tin di haber cu e atraco cometi na Pizzahut

EA News Author

Leave a Comment

Whatsapp Message