Na aña 1993 Unesco (United Nations Educational, Scientific and Cultural Organization) a proclama cu dia 21 di februari ta Dia Internacional di Idioma Materno.
E tema cu UNESCO a scohe pa e aña aki ta “Enseñansa multilingual, un necesidad pa transforma enseñansa”, un tema cu na Aruba nos tin basta tempo ta studia y trata di trece den practica. Ta asina cu e idea ta, pa nos enseñansa bay den e direccion ey. Aruba a cuminsa algun aña pasa cu un proyecto Scol Multilingual cu a duna bon resultado. Loke mester sosode awor, ta sigui desaroya e sistema di enseñansa aki na fabor di e alumno y su idioma Papiamento.
Pa celebra e dia aki Fundacion Lanta Papiamento, hunto cu Fundacion Rancho, Universidad di Aruba, Minister di Cultura y e programa Nos Mainta a percura pa un siman cu diferente actividad cu ta pone atencion riba e balor di Papiamento como idioma oficial, idioma nacional y idioma materno di mayoria di e habitantenan di Aruba.
A prepara e siguiente programa:
= Diamars dia 21 di februari, di 6.00 pa 8.00 pm.: Charla na Sede di Fundacion Rancho.
E oradornan ta dr. Joyce Pereira y Ramon Todd Dandaré Mag.Ling. Entrada ta gratis.
= Diamars dia 21 di februari: Programa special di Minister di Cultura tocante Papiamento. Na
TeleAruba. Lo anuncia e ora di transmision despues.
= Diabierna dia 24 di februari: Edicion special di e programa Nos Mainta na TeleAruba di 9.00 pa
11.00 am cu diferente miembro di FLP na palabra tocante diferente topico relevante.
= Diasabra dia 25 di februari: Dictado Nacional, di 5.00 pa 7.00 pm na UA. Organisacion FLP y UA.
Por registra pa participa na e dictado aki via e link riba pagina di Facebook di Fundacion Lanta
Papiamento.
= UA tambe lo tin un evento dedica na Idioma Materno riba dia 21 di februari. Nos ta keda
pendiente di esey.
Ban celebra nos Papiamento.
Papiamento, nos idioma, nos derecho!
