Corendon ta selebrando e aña aki su 25 aña di exitensia. Komo bon tradishon ta selebrá esaki i hasi un regalu. Pa e motibu aki Corendon a hasi entrega di 10.000 ramo di flor na kliente i relashonnan fiel. Tantu na Ulanda, Belgika, Kòrsou i Boneiru.
E boeket di flor – den e kolornan di Corendon: kòrá, hel i blanku – ta bin den un vaas spesial: un diseño spektakulèr di e rei di tatoo Ulandes, Henk Schiffmacher. E a diseñá e vaas pa konmemora e momentu importante aki.
E vaas ta simbolisá aventura i konekshon, ku un diseño inspirá riba e tatoonan tradishonal di marineronan. Fe, speransa i amor ta e temanan prinsipal, komo un signo di libertat i deseo pa buska horizonte nobo. “Kiko bo pone riba un vaas? Tin tantu posibilidat. Pa esey mi a keda serka di e fuente: e bishitante, e aventurero,” asina e diseñador Henk Schiffmacher a bisa. El a skohe konsientemente pa e estilo klasiko ‘old-school’, kaminda tatoo no ta solamente arte, pero tambe ta un refleho di individualismo i e deseo pa deskubrimentu.
E flor nan ku vaas a wordu entrega na Kòrsou i Boneiru durante e dianan ku a pasa. CEO di Corendon, Atilay Uslu, a hasi entrega di algun vaas ku flor.
