6 Militar di Region Caribe Hulandes por a ricibi nan certificacion como instructor den forma di un feneta, e asina yama ‘Uiltje’ (palabrua). Ta di prome biaha cu Marina Real por otorga e pin aki na 5 Militar di Corsou i 1 Militar di Aruba. Siman pasa e instructornan nobo aki a demostra mediante un evaluacion cu a haci di nan, cu nan ta competente pa trein otro Militar.
E treinnan nan, cu descanso intermedio, a start na 2020. COVID, diferencia di cultura i barera di idioma a soru pa retonan; no obstante esakinan e candidatonan tur e tempo aki a keda motiva pa completa e formacion cu exito. E Hefe di Departamento di Formacion di Marina Real, KTZ Meijer, personalmente a entrega e feneta nan na Kazerne di Marina na Suffisant, Corsou.
E logro memorabel aki ta un paso grandi pa Militarnan di Caribe Hulandes. E instructornan for di awor por trein reclutonan nobo pa bira militar. Banda di esey, nan por duna formacion avansa na personal Militar actual. E 6 instructornan nobo ta e prome Instructornan den e parti di Caribe Hulandes di Reino.
