ORANJESTAD,Aruba
“Nos ta aprecia e hecho cu ex minister Otmar Oduber ta contribui cu su experiencia y ta duna su consehonan voluntario na diferente nivel” asina Minister di Husticia, Sr Andin Bikker a duna di conoce.
E mandatario a recorda cu Sr Oduber tin mas di di 20 aña di experiencia den politica, tabata Parlamentario y Minister y su asistencia y consehonan na Ministerio di Husticia den cuadro di por ehempel e Comishon Supervisor (“Overkoepelend Orgaan”) pa reactiva e sector di construccion y mantencion ta tuma lugar sin ningun compensacion.
“Señor Oduber tin hopi experiencia y semper ta dispuesto pa yuda, mas ainda den e crisis cu nos Pais ta aden na e momentonan aki”.
Sr Oduber a informa di su banda a informa cu su entrada como miembro di hunta di supervision na RDA ta worde deduci (kita 100%) for di su entrada como ex mandatario, mescos cu ta e hecho cu su entradanan cu ta ser genera den sector priva, manera cu e ley ta stipula.
Pues ta refuta tur informacion falso circulando rond cu no ta cuadra cu e realidad.
