ORANJESTAD,Aruba
Departamento di Impuesto ta participa cu entrante awe e ta posibel pa tur contribuyente di
impuesto di vehiculo di motor haci un cita pa busca nan plachi di number y categoría di plachi cu nan turno a pasa. Pa por traha un cita e contribuyente por subi nos website y riba e homepage click riba ‘Afspraak maken”. Unabes cu un cita wordo traha e contribuyente lo ricibi un confirmacion via di su e-mail den cual e fecha y ora di su cita ta wordo indica. E lo por pasa busca e plachinan di number riba e dia stipula na e edificio principal na
Camacuri. Contribuyentenan cu tin dificultad pa traha un afspraak digitalmente semper por acudi cerca nos funcionarionan cu ta atende cu servicio na cliente (“customer service desk”) na 5227424 of 5227423 cu tey pa facilita tur nos contribuyentenan incluso nos contribuyentenan 60 plus.
E documentonan rekeri pa ricibi e plachinan ta:
– Recibo original di Departamento di Impuesto
– Comprobante di seguro valido
Departamento di Impuesto ta pidi tur contribuyente pa cumpli cu nan orario stipula conforme nan cita pa di e forma aki tur cos por bay di un manera structura y segun reglanan vigente pa evita contagio y proteha nos salud.