Na interes di trabounan periodístiko i di reportahe nos ta introdusí karnèt di prensa entrante 9 di òktober 2020 pa a medionan di komunikashon ku ta kumpli ku e siguiente kriterionan di akreditashon:
Kriterionan básiko pa tur hende:
- Persona tin 18 aña òf mas;
- Ta traha pa un medio di komunikashon (ku notisia);
- Mester di un karnèt di prensa pa hasi reportahe (di palabra, imágen, zonido òf otro).
Pa kada medio di komunikashon ta apliká e siguiente kriterionan:
Korant i otro medio di komunikashon imprimí:
- Un kopia di registrashon di Kámara di Komersio;
- Por lo ménos 3 publikashon di e último 6 lunanan (si akaso pidi pa esaki).
Televishon i radio;
- Un medio di komunikashon di oudio of oudio visual rekonosé;
- Un kopia di registrashon di Kámara di Komersio;
- E medio di komunikashon mester tin por lo ménos un persona den servisio;
- Medio di komunikashon tin por lo ménos 3 boletin di notisia (di mínimo 10 minüt kada bes) pa siman;
- Mínimo dos grabashon di notisia (si akaso pidi pa esaki).
Sait di internèt òf medio sosial:
- Un wèpsait òf página sosial di notisia profeshonal ;
- Un kopia di registrashon di Kámara di Komersio;
- Artíkulonan di notisia ku un kantidat supstansial (mínimo 50%) di artíkulonan di notisia original, artíkulonan redakshonal òf análisis di notisia;
- Mínimo 50 bishitante original pa dia (por pidi pa estadístika );
Tene kuenta, ku wèpsait i páginanan sosial ku ta konsistí di primordialmente aviso no ta ser kalifiká komo medio profeshonal.
Pa petishon di karnèt di prensa nos mester di tambe e siguiente informashon:
- Nòmber kompleto i funshon;
- Un (pas)foto digital i un scan di ID bálido.
Tur petishon pa aktreditashon ta ser evaluá pa un komishon independiente ku ta konsistí di un representante di prensa, un representante di OLB i un representante di RCN. Nos por hasi investigashon adishonal na aktividatnan periodístiko i/òf reportero. No por mara niun derecho na e akreditashon aki. Si ta nesesario nos ta mantené e derecho pa limitá òf kita e akreditashon. Karnèt ta bálido pa máksimo 2 aña. Si e persona ku tin e karchi bai traha na un otro medio di komunikashon e mester hasi un petishon nobo pa akreditashon.
Entregá bo petishon pa akreditashon ku tur e rekisitonan pidí di mas tardá 5 di òktober via e-mail: rcncommunicatie@rijksdienstcn.com