Un total di trintikuater empleado públiko a huramentá serka Gezaghebber Edison Rijna. Di e trintikuater empleadonan diessinku a primintí i diesnuebe a huramentá.
Sekretario Insular interino Gabriel van Arneman a lesa e dekreto den kua e ámtenar ta entre otro primintí pa ta fiel na Rei i ehekutá e trabou manera debe ser i ta leal na su trabou. Despues e ámtenarnan a pasa un pa un pa hura òf hasi promesa dilanti gezaghèber Edison Rijna.
E seremonia e biaha aki a tuma lugá den patio di Kolegio Ehekutivo. Tur hende a mantené por lo ménos 1.5 meter di distansia kumpliendo asin’ei ku e medida relashoná ku e pandemia di Covid-19.
