Relashoná ku e kaso ‘Maximus’ ku lo tuma lugá den e periodo di 18 pa 29 di yanüari 2021 na Kazèrne Militar na Suffisant, pa medio di un dekreto ministerial, e zona ei a keda temporalmente dekretá komo prohibí pa drone. Esei ta enserá ku durante di e periodo di 17 di yanüari pa 00.00’or i 31 di yanüari 2021 pa 23.59’or, no ta permití ningun drone bula riba e área aki ku eksepshon di esnan di e outoridatnan konserní, den kuadro di seguridat. Alabes polis ta pidi tur persona ku durante di e periodo ei mester trafiká den e área
rondó di e kazèrne, pa sigui instrukshonnan estriktamente duná dor di outoridat.
