Gabinete di Gobernador di Aruba ta informa cu Gobernador di Aruba, Su Excelencia Alfonso
Boekhoudt a haci un COVID-19 test ayera. E resultado di esaki tabata positivo.
Desde siman pasa diasabra 20 di maart, Gobernador Boekhoudt y su famia a bay den cuarentena preventivo
na cas conforme regla di DVG. Esaki, debi cu un miembro di famia cu mester a biaha, a test positivo. Apesar
di isolacion di e miembro di famia, Gobernador Boekhoudt tambe a test positivo y consecuentemente a bay
mesora den isolacion.
Gobernador Interino, Su Excelencia Yvonne Lacle Dirksz, for di siman pasa ta encarga cu e tareanan di
Gobernador Boekhoudt.
Gobernador di Aruba a test positivo pa COVID-19
