Diaranson anochi pa 8:10 central di polis ta wordo notifica di un atraco cu mester a caba di tuma lugar na un apartamento na Tanki Leendert.
Na yegada di e patruya di polis por a compronde cu dos hende homber cu capuchon bisti y cara tapa full na preto a drenta e apartmento cu un arma di candela y atraca e pareha. Nan a papia spanjo. E atracodornan a bay cu 2 telefoon, 1 cadena di oro, 1 holoshi, un jabi auto mas $1500,- y afl 800,-.
No por a wak den ki direccion nan por a huy. Diferente unidad di polis a cuminsa cu e busceda pa cu e sospechosonan aki.
Atraco Team a jega na e sitio, tambe polis technico y slachtofferhulp.
Es cu sa algo of a mira algo jama e tiplijn di polis cu ta 11141.