Partido MEP ta pidi sostenedornan pa keda trankilo y no cay den trampa di politica sushi
Partido MEP a tuma nota di e desesperacion di opositornan e siman aki, den cual ta lansa atakenan baho riba candidatonan di MEP.
Partido MEP ta sostene candidato Rocco Tjon y ta lamenta e atakenan personal contra e y su famia. Atakenan cu a wordo prueba caba cu ta falso.
E confiansa di pueblo den e candidatonan di Partido MEP ta creciendo y esey ta haci oponentenan mas nervioso. Partido MEP ta pidi sostenedornan pa keda trankilo y no cay den trampa di politica sushi.