Scol ta cerando , pero importante ta cu siguiente aña escolar cada mucha y hoben ta bon informa. FADA ta sigui guia y educa specialmente na e scolnan secundario. Tin varios mayor a acerca FADA pa un preocupacion cu a ripara cu riba medionan social tin bendemento di cup cake, bolo , mangel via diferente aplicacion y no solamente facebook cu ta esun mas conoci. Sinembargo e productonan aki dushi pa como no ta bin cu un toke cu por haci daño na hopi di nos muchanan na scol, mirando cu e no ta solamente un cup cake, pero e nomber popular tras di esaki ta space cake. Tin adultonan sabi cu ta bende esakinan na scolnan. FADA y diferente scolnan ya caba ta na altura y ta tumando accion tambe. Sinembargo scol ta cerando, pero FADA lo keda enfoca pa keda duna informacion pa asina e muchanan na momento cu nan cuminsa scol nan sa kico ta pasando y cu nan por bisa no na tipo di acercamento di cumpra y of come space cake y otro productonan cu contenido di marihuana den nan. Marihuana puro den productonan ta un contenido completamente diferente riba Cannabis Medicinal pa salud di hende y comunidad nos muchanan y Aruba completo ta esunnan cu mester sa mas di e diferencianan aki.
FADA ta y lo sigui traha duro pa informa y educa riba fenomeno di Space Cake rond di scolnan
