Poder ta un arma hopi fuerte y cu ta haci cu hopi hende ta perde cabes tambe. Lider di Accion 21 no ta su mes mas for di dia despues di eleccion, esaki por a tuma nota tambe di expresionnan politico cu a sali afo den su mes un seno. E realidad ta cu poder ta cambia hende. Sinembargo awor tambe por compronde e bloke cu Accion 21 hunto cu lider di MAS kier yega na dje pa poder politico y no enfocando riba e pueblo realmente.
Nan a sali afo vocifera na nomber di pueblo bisando cu ta esaki ta loke pueblo kier y of cu nan ta pensa cu lo ta bon pa un gobierno, pero e realidad no ta asina. Por mira riba rednan social cu e comunidad no a pidi un bloke pa goberna Aruba, esey ta basta cla tambe.
Un situacion cu tin na e momentonan aki den seno di accion 21 no ta mucho saludabel mas. Daphne Lejuez publicamente a expresa esakinan tambe via di su facebook page indicanto hopi riba e echo di poder.
Si mester mira e intencion tras di e hamber pa poder di tanto lidernan di partido Accion y MAS pa crea un bloke , bo ta haci e pregunta kico realmente kico ta e intencion tras di e forma bloke? E intencion tras di forma bloke, ta uno inteligente, pasorba un bloke lo asegura cu Accion21 lo drenta gobierno y cu Mansur por bira minister. Pues e idea ta cu 3 partido ta mara na otro, bira 5 asiento, y ta keda dos opcion: Sea nan ta forme cu Avp of cu MEP. Ta un complot pa asina menasa partido grandi, y cu ta bisa: Nos tur of nada!
Claroo cu e autor di e plan aki ta uno hopi inteligente, pero Ursel Arends no a cay den e wega di complot aki y a prefera pa su partido sali pa su mes, pa su votadonan.
Sinembargo e esfuersonan cu e dos lidernan di partido aki cu e intencion di complot no ta logrando y e desesperacion entre nan ta crece tur dia.
Aunke e intentonan di lider di fraccion 21 pa tur dia trata di logra di haya contacto cu lider di RAIZ pa por cera nan complot no ta logrando. Sinembargo ultimo cu Ursel Arends a haci bishita na gobernador a duna di conoce bon cla cu e ta den luto y tambe e lo no forma parti di ningun complot, pero lo sigui e proceso manera e mester cana.
