LocalFeatured

Presidente di Sociaal Economische Raad ( SER) Tisa LaSorte Defini e reformanan y traha hunto cu Hulanda pa por pa bay dilanti den e diferente sectornan

Presidente Di Ser Lisa Lasorte

SER ta e conseho cu tin participacion den representante di sector priva , di gobierno y di sindicato. SER a crea un lista di preocupacionnan y prioridadnan cu ta kere cu e gobierno nobo mester atende cu ne. Eleccion a pasa y awor loke cu ta importante ta pa tin un bon proceso di formacion cu e ora Aruba por yega na un gobierno ta tuma e responsabilidad serio y cu ta bay atende cu e asuntonan serio cu Aruba tin su dilanti incluyendo e puntonan cu tin den e landspakket. Segun presidente di SER tin un lista di reforma cu mester atende cu ne y cu ta premira cu tin un gobierno serio cu ta bay atende cu nan.
SER ta inclui den e proceso awo pa asina inclui di kico ta e prioridadnan y kico ta e trabao cu ta mira cu nan mester atende cu ne. Semper SER lo keda e organo cu lo duna conseho riba e topico sociaal economico debi cu esey ta e rol di SER pa tur gobierno. Segun Tisa LaSorte si gobierno ta desea un conseho riba un decision cu e ta purbando di tuma of si e conseho mes ta di SER riba un topico cu nan ta haya pa trece dilanti na gobierno lo haci esaki tambe.
Mayoria di e reformanan cu Aruba tin ta poni den e landspaket y hopi di nan falta pa haya definicion cu ta hopi importante y e ora ta haya un gobierno sa con pa defini e diferente topiconan cu tin den e reforma y e ora traha hunto cu Hulanda pa por yega na un bon reforma pa bay dilanti den e diferente sectornan cu tin manera educacion, cuido, economia , finansas publico y e aparato gubernamental mes.
Sinembargo Presidente di Sociaal Economische Raad ( SER) Tisa LaSorte ta kere cu si Aruba tin un gobierno responsabel cu ta tuma e trabao serio y ta compronde cu e reformanan aki ta reformanan cu mester atende cu ne y ehecuta nan manera mester ta den su debido tempo e ora no tin nada di preocupa. E mensahe ta keda pa cu e tipo di reformenan aki ta pa bienestar di futuro di Aruba, aunke nos tur sa cu e ta un proceso dificil pa yega. Pero cu e positivismo cu na final e resultado y e intencion di tur e reformanan ta pa bienestar di nos pais.

Related posts

Lider di Bloke sindical Edward Maduro: Gobierno no ta sincero cu nos

EA News Author

Anuncio di Morto: Leonilde Eckmeyer-Gonzalez Mihor conoci como ‘Ruman Ketty”

EA News Author

Fin di siman Cruz Cora Aruba a duna un man durante yobida fuerte

EA News Author

Leave a Comment

Whatsapp Message