Featured Politica

Minister di Enseñansa y Deporte Sr, Endy Croes: Lo uza sdg 4 como e compas pa maneho di enseñansa


Siman pasa mundo a celebra e di 6 aniverasio di e metanan di desaroyo sostenibel “Sustainable Development Goals” (SDGs). Minister di Enseñansa y Deporte Endy Croes ta felicita e comision di SDGs di Aruba cu lansamento di nan campaña di conscientisacion.

 SDGs ta encera un total di 17 meta stipula como guia pa yega na e nivel di prosperidad y paz mundial. E metanan aki ta consisti di 5 pilar:  E Ser Humano, Planeta, Prosperidad, Paz y Colaboracion. Pues SDGs ta forma un compas y ta duna direccion pa por yega na un comunidad y un Pais mas resiliente. E meta number 4 di SDG ta para pa enseñansa inclusivo y di calidad pa un y tur.

Minister Croes a splica cu pa e maneho di Ministerio di Enseñansa, lo haci uzo di SDG 4 como e compass cu lo dirigi su maneho pa yega na solucionnan y mehoracion den enseñansa di nos pais.

Enseñansa ta un di e motornan mas poderoso cu ta comproba cu ta garantisa desaroyo y sostenibilidad. Mi kier pa nos corda y mantene SDG 4 como e compas di awo pa dilanti”, Minister Croes a enfatisa.

Pa conclui, Minister Croes a bisa cu e lo percura pa trece tur stakeholder na mesa pa traha hunto y pa hunto wak den mesun direccion pa finalmente por logra e metanan stipula.

 

Related posts

FADA ta presenta un otro storia di famia, dos yiu cu ta recorda nan mama y nan cambio di bida diripiente

EA News Author

Parlamentario Alan Howell Partido POR a reparti face masks na nos heroenan den frontline

EA News Author

Minister Dangui Oduber: Nos a priminti y nos ta cumpli! Programa di Hoben Activo, Hoben Feliz ta continua e siman aki!

EA News Author

Leave a Comment