Apesar di tur acusacionnan Solangel Dimohamed Lacle, ex candidata di MAS, a haci contra e líder di partido, e reaccion tabata hopi suave a papia hopi pero no a bisa nada.
Por a scucha lider di MAS den un declaración cu el a duna na radio, durante cual e no por a convence e publico. A papia cu e ta straña cu ta te awor Lacle ta bin reacciona.
El a papia di problemanan cu nan tabatin cu e candidato aki, pa cual a hala su atencion diferente biaha. Di repente Marisol Lopez Tromp ta bisa cu e Protocol firma entre e candidatonan nunca tabata e problema. Te ainda, e líder di MAS a bisa, e ta kere den e protocol, unda esnan cu mas voto ta drenta Parlamento si nan campaña den forma husto. Esaki ta ilustra y por scucha den su voz di un Marisol Lopez Tromp hopi bruha y confundi.
Miembronan tabata esun cu a pidi directiva pa retira e candidato, y a atende e asunto aki den dos reunión. A pidie pa bini reunión, pero e no a acudi. El a tuma actitud y postura cu pa partido no ta aceptabel, y cual a sosode for di prome cu eleccion. “Partido a atende riba su comportacion político. Pero tampoco por ta asina cu bo ta forma parti di un team, mientras cu su persona tabata hopi ocupa, e tabata haya su posición mas importante cu e proceso cu a sigui despues di eleccion pa formación di gobierno, lopez tromp a declara.
A pidi tur hende pasenshi, pasobra no sa con e negociacion pa un gobierno ta bay finalisa. Pero e candidata a cuminsa exigi pa su posición wordo regla di biaha, siendo cu a splica a pidi pa e movecion y cambionan por tuma luga eventualmente. El a mustra e situacion di MEP unda cu tin cuatro ministro den Parlamento y cu despues lo mester bini cambio pa otro miembronan drenta. “Mi no a mira e candidatonan aki sapatia.”
Lamentablemente tambe nan a tuma nota di un campaña andando contra partido MAS di esnan cu ta sostene candidato no. 4. Esaki a cuminsa activamente e mesun dia cu a bira conocí e resultado di votonan individual. El a papia di Fake account for di unda e atakenan aki ta bini contra e candidatonan y bisando cu tin problema, cual e líder a bisa cu e ta desmentí. A atende candidato no. 4 riba e situacion aki cu ta tuma luga na momento cu e proceso pa formación di gobierno ta tumando luga.
El a finalisa bisa cu MAS no ta tolera e tipo di actitud manera esun di candidato no. 4.
Esaki pues tabata declaracionnan fofo cu e lider di MAS a duna despues cu ex miembro di MAS Solangel Dimohamed a declara cu tur prueba den su man di loke a sosose cu ne na momento cu e tabata forma parti di partido MAS.