Local

Werksternan kier reunion cu presidente di Parlamento

Presidente Di Parlamento

Awe na momento cu reunion public riba presupuesto ta bay cuminsa, werksternan a acudi na e organo pa nan por wordo scucha.

Ta trata di e grupo di werksternan cu ta traha cu SKOA y kendenan ta coriendo e riesgo of ta bay perde nan trabou. Segun por compronde, ya caba e stichting cu ta maneha scolnan catolico a dicidi di haci nan un oferta pa bay cas. E fundacion ta bisa cu esaki ta debi na e situacion cu a surgi cu Minister encarga cu Enseñansa.

Tanto e werksternan como e sindicatonan a bisa cu nan a entrega diferente Manifesto y carta na esun encarga cu enseñansa y na prome minister. Pero na final di cuenta, e mandatario di enseñansa tabata haci loke cu e kier.

E Minister demisionario den Parlamento a bisa cu e aña’ki no tabatin ningun reunion cu SKOA. Esaki simplemente pasobra e directiva a nenga di sinta na mesa cu ne, apesar di diferente invitacion manda.

Banda di esaki, e mandatario a splica na diferente ocasion den pasado, cu e no tin nada contra werksternan y nan no mester perde nan trabou tampoco. Su problema ta cu SKOA tabata uza e placa cu nan ta haya di subsidio di un forma cu no ta legal.

E mandatario a cuestiona cu tabata trata e werksternan cu ta contractant di e mesun forma cu un ambtenaar, cual ta costa Gobierno placa. Banda di esaki, tabata paga werksternan for di e post di personal, siendo cu werksternan mester cay bou di post di operacion, esta mantencion di edificio. Den esaki mandatario a bisa cu mester haci cambio. Pa e motibo aki el a kita e suma cu tabata pa pago di werksternan y a pone esaki den e post di operacion. Pues e placa a pasa di un banda pa otro. E no ta afecta SKOA su operacion di ningun forma.

Banda di esaki, tin diferente sentencia den Corte cu ta mustra cu loke cu e mandatario a haci tabata na su luga, pues e no a haci nada illegal.

Presidete di Parlamento na inicio di reunion a informa e werksternan, sinta den tribuna, cu na momento cu tin schorsing den oranan di merdia e lo sinta cu e werksternan y e sindicato.

Related posts

Pastor Marcel Balootje: No perde berguensa, pa bo hanja atencion

EA News Author

Dos soldat a fayece den accidente di helicopter riba teritorio di awanan di Caribe serca di Aruba

EA News Author

Pelicula pa mucha

EA News Author

Leave a Comment

Whatsapp Message