Un total di 9 ilegal deteni door di KPA y boto intercepta door di Kustwacht.
1.47 am Radarkamer di Cuerpo Policial a detecta un boto drentando na altura di Baby Beach. Den cuadro di bon cooperacion y cu bon coordinacion entre Radar Kamer di KPA, Kustwacht, coleganan di diferente districto, K9 y helikopter di a logra detene 9 persona cu a subi tera.
Na e mesun momento coleganan di Kustwacht a intercepta e boto ( Sin nomber y sin registracion) 3 miya zuid di cabes di Aruba bayendo back Venezuela.
E capitan a wordo deteni y entrega na e recherchenan di Unit mensenhandel mensensmokkel cu lo sigui cu investigacion.
E caso ta den pleno desaroyo y e investigacion lo sigui su curso.
