Alrededor di 2’or di merdia a surgi un caida di coriente cu a afecta gran mayoria di Aruba. Inclusive na aeropuerto mester a cuminsa evacua pasaheronan pa evita un caos probablemente.
Rond di 2.30 a informa cu a stop operacion di aeropuerto te siguiente aviso y tabata trahando pa limita e impacto di e caída di coriente.
Un rato después a informa cu aeropuerto tal oficialmente cera y a cuminsa saca e pasaheronan den forma structura. Na momento cu coriente a bolbe un ora después, a habri pista pero aeropuerto a keda cera pa un rato mas.
Despues di un ora, e coriente a bolbe na algun parti di Aruba. E causa di e caída di coriente no ta conoci. Pero según por a compronde, e causa ta sinta den WEB su sistema.
Manera ta conoci, den fin di siman a finalisa di haci test riba nan sistema nobo di recip.
Caida di coriente a pone cu a cera aeropuerto pa un rato
