Diadomingo atardi laat pa anochi cu 98.86% di e mesanan conta, Petro tabatin 1,185,671 voto, ekivalente na 50.49%, mientras cu su rival, e populista independiente Rodolfo Hernández, di Liga di Gobernantenan Anticorupcion, a yega 10,468,781 voto (cu ta 47.25%), segun e Centro Nacional di Registro.
E momento ey e bentaha di Petro riba Hernandez tabata di 716,890 voto, cu ta ekivalente na 3,24%, mas hopi di loke e encuestanan tabata indica y cual a wordo haci riba intencion di voto, cu tabata pronostica un empate tecnico, algun di nan cu menos di un punto procentual di diferencia.
Di e forma aki Petro, economista di 62 aña dia 7 di augustus awor lo reemplasa e presidente di Colomia Ivan Duque, y lo goberna e pais den e periodo di 2022-2026, y a bira asina e prome presidente izkierdo cu lo ta na cabes di e pais.
Su opositor a reconoce su derota y a bisa riba su cuenta di Facebook “Sinceramente nos ta spera cu e decision aki cu e Colombianonan a tuma ta beneficioso pa tur hende y cu Colombia cana e caminda di cambio cu a resalta den e votacion di prome vuelta. Mi ta desea Gustavo Petro pa e dirigi e pais, cu e ta firme den su discurso contra corupcion y pa no defrauda esnan cu a confia den dje.”