Riba Djabièrnè 21 di òktober próksimo, ta tuma lugá na Kòrsou Dia di Veteranonan. Un dia speshal ku atenshon i apresio pa Militarnan Hulandes, ku den áreanan di guera òf durante operashonnan pa pas a keda desplegá. Anualmente e Dia di Veteranonan ta tuma lugá na Hulanda den Yüni. Pero tambe den Region Karibe Hulandes, ta biba hopi Veterano.
Komandante di Forsanan Naval den Region Karibe, General di Brigada Frank Boots, ku hopi plaser lo ke presta atenshon na veteranonan ku ta biba den Region Karibe, riba dia 21 di òktober.
E evenementu ta tuma lugá di 14.00 – 18.00 or na Kazèrne di Marina na Suffisant, Kòrsou. Unifòrm pa veteranonan den servisio aktivo ta unifòrm 16 (a), pa veteranonan den servisio no aktivo, esaki ta solamente unifòrm/trahe di veterano sivil òf di asosiashon di veteranonan.
Registrashon
Kada veterano por inskribí su mes te ku no mas tarda 11 di òktober via
veteranenverenigingcuracao1@gmail.com. Despues ku e veterano manda un e-mail, e lo risibí un konfirmashon, ku tambe na mes momentu lo ta e invitashon pa dia 21 di òktober.
E invitashon aki ta prueba di entrada pa drenta Kazèrne di Marina Suffisant. Sin invitashon no ta posibel pa partisipá na e Dia di Veteranonan 2022.