Frakshon di MAN komo un di e firmantenan a entrega un petishon pa un reunion públiko di
parlamento. Tambe nos a manda diferente rekordatorio pa ku e petishon di e reunion aki. E
reunion aki su intenshon tabata pa skucha i tambe debatí ku Gobièrnu di Kòrsou riba e lei di
COHO. Mirando e desishonnan ku gobièrnu a yega na dje pero tambe riba e último
susesonan, kaminda minister presidente a manda un karta pa Sekretario di Estado sra Van
Huffelen indikado posishon di Parlamento. Pa nos ta importante pa nos por debatí ku
gobièrnu kaminda nos por hasi pregunta i hiba un debate riba nivel pa ku COHO.
Ta insolito ku Minister Presidente ta manda karta papia na nòmber di Parlamento sin nunka
a bini Parlmento. E aktitut di Minister Presidente ta mustra un biaha mas ku e no tin rèspèt
pa Parlamento kom organo. Na e momento aki nos mester ta unu komo Pais a logra lo
maksimo. Pero pa logra esaki nos mester ta huntu den e proseso tantu Gobièrnu i
Parlamento.
Konforme artíkulo 64 di reglamento di órden nos ta bolbe presidente di parlamento pa
konvoká e reunion aki. Nos ta hasi supliká na presidente di parlamento pa konvoká e
reunion aki karakter di urgensia konforme nos petishon.
Frakshon di man ta bolbe pidi presidente konvoka reunion riba coho
